07.10.2026 | 23:48
Արթուր Դանիելյանը կալանավորվեց
Ուկրաինային թույլատրվել է արևմտյան զենքով հարվածել ՌԴ-ի խորքում թիրախներին, սակայն այդ մասին հրապարակային չի հայտարարվի․ The Guardian
Քաղաքականություն
12.09.2024 | 12:09
Բրիտանական The Guardian-ը, վկայակոչելով կառավարական անանուն աղբյուրներին, հայտնում է, որ որոշվել է Ուկրաինային թույլատրել արևմտյան զենքով հարվածներ հասցնել Ռուսաստանի ճանաչված տարածքի խորքում գտնվող թիրախներին։ Արդեն ընդունվաշ որոշման մասիսն, սակայն, հրապարակային չի հայտարարվի, փոխանցում է BBC-ի ռուսական ծառայությունը։
Այս համատեքստում աղբյուրները խոսել են ֆրանս-բրիտանական արտադրության Storm Shadow թևավոր հրթիռների մասին։ Դրանք պարունակում են նաև ամերիկյան բաղադրիչներ, ինչը, ինչպես ավելի վաղ հայտնել էին բրիտանական լրատվամիջոցները, հանգեցրել է նրան, որ ԱՄՆ-ը մերժում էր Ուկրաինային այդպիսի կիրառումը։
Մեծ Բրիտանիայի վարչապետ Քիր Սթարմերն ուրբաթ այցով լինելու է Վաշինգտոնում, որտեղ հանդիպելու է ԱՄՆ նախագահ Ջո Բայդենի հետ։ Հանդիպման հիմնական թեմաներից ի սկզբանե հայտարարվել էր Ուկրաինայի պատերազմը։
Վաշինգտոնում չի նախատեսվում հայտարարել որոշման մասին՝ Ուկրաինային թույլ տալ օգտագործել Storm Shadow-ն ռուսական տարածքի խորքում գտնվող թիրախների դեմ, The Guardian-ին հայտնել են աղբյուրները: Հանդիպումից հետո ասուլիս ընդհանրապես նախատեսված չէ:
Նշվում է, որ Մեծ Բրիատանիայի ԱԳ նախարար Դեյվիդ Լեմմիի և ԱՄՆ պետքարտուղար Էնթոնի Բլինքենի՝ Կիև համատեղ այցի գլխավոր թեմաներից մեկն էլ արևմտյան հեռահար զինատեսակներով հարվածների սահմանափակումների վերացումն էր։
Կրեմլի խոսնակ Դմիտրի Պեսկովն նախօրեին հայտարարել է, որ մեծ հավանականությամբ կարելի է ենթադրել, որ արևմտյան առաջնորդներն արդեն որոշել են վերացնել կամ մեղմացնել Ուկրաինայի կողմից զենքի կիրառման սահմանափակումները։
