07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
Համաշխարհային առաջնորդների պարտականությունն է՝ ստեղծել խաղաղ միջավայր, որը թույլ կտա մեր երիտասարդներին կրթվել, գտնել աշխատանք և իրացնել իրենց ամբողջ ներուժը. ՀՀ ԱԺ նախագահ
Քաղաքականություն
11.09.2024 | 22:53
Սեպտեմբերի 11-ին կայացել է Հայաստան ժամանած Միջխորհրդարանական միության երիտասարդ խորհրդարանականների 10-րդ գլոբալ համաժողովի մասնակիցների պատվին ՀՀ ԱԺ նախագահ Ալեն Սիմոնյանի անունից կազմակերպված ընդունելությունը: Այս մասին տեղեկացնում են ԱԺ մամուլի ծառայությունից։
Ներկաներին ողջույնի խոսքով դիմել է ՀՀ ԱԺ նախագահը.
«Երիտասարդները մեր ապագան են, որոնք անխոնջ կերպով ձգտում են փոփոխություններ մտցնել ժամանակակից հասարակություններում: Մեր պարտքն է ամեն կերպ աջակցել նրանց՝ օգնելով իրականություն դարձնել իրենց ձգտումները, ցանկություններն ու երազանքները: Նրանց ջանքերը կենսական նշանակություն ունեն ավելի ապահով, խաղաղ եւ ճգնաժամից զերծ աշխարհ ստեղծելու համար:
Աշխարհն այսօր կանգնած է բազմաթիվ մարտահրավերների առջեւ՝ հակամարտություններ, պատերազմներ, բնական աղետներ եւ այլն, որոնք հաճախ խանգարում են երիտասարդներին լիարժեք վայելել իրենց կյանքը: Համաշխարհային առաջնորդների պարտականությունն է ստեղծել խաղաղ միջավայր, որը թույլ կտա մեր երիտասարդներին կրթվել, գտնել աշխատանք եւ իրացնել իրենց ամբողջ ներուժը»:
Ողջույնի խոսքով հանդես է եկել նաև Միջխորհրդարանական միության նախագահ Տուլիա Էքսոնը:
