31.10.2024 | 23:28
PKK-ի բարձրաստիճան ղեկավարն Անկարայի հետ խաղաղության նոր գործընթացը կապում է Օջալանի «ֆիզիկական ազատության» հետ
Կրեմլի խոսնակը՝ ԱՄՆ-ի կողմից ՌԴ-ի խորքում ուկրաինական հարվածների սահմանափակումները վերացնելու հնարավորության մասին
Քաղաքականություն
11.09.2024 | 23:01
ԱՄՆ իշխանություններն արդեն որոշում են կայացրել չեղարկել ATACMS հրթիռների օգտագործման սահմանափակումները Ռուսաստանի տարածքին հարվածելու համար, հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է The Moscow Times-ը։
«Ամենայն հավանականությամբ, այս բոլոր որոշումներն արդեն կայացված են։ Սա կարելի է ենթադրել մեծ հավանականությամբ։ Այս պահին ԶԼՄ-ներում տեղեկատվական արշավ է տարվում՝ արդեն ընդունված որոշումը պաշտոնականացնելու համար»,- Պեսկովի խոսքերն է մեջբերել «Ինտերֆաքս»-ը։
Կրեմլի խոսնակը հավելել է, որ Ռուսաստանը «համապատասխան» պատասխան կտա, եթե ԱՄՆ-ն Ուկրաինային թույլ տա հարվածել ռուսական տարածքին հեռահար զենքով։
«Այն կլինի համապատասխան: Պետք չէ ամենուր պատասխան ակնկալել, այս բոլոր գործողությունների պատասխանը հատուկ ռազմական գործողությունն է։ Ուկրաինայի շուրջ հակամարտությունում ԱՄՆ-ի ու եվրոպական պետությունների ներգրավումն ուղղակի և անմիջական բնույթ է կրում։ Յուրաքանչյուր նոր քայլ մեծացնում է այդ ներգրավվածության աստիճանը, թեև այն ավելացնելու տեղ չկա»,- ասել է Պեսկովը։
