07.10.2026 | 16:42
«Հրաշք այգի» ռեստորանային համալիրից 2 գորշ արջի տեղափոխել են ապաստարան
Ադրբեջանի ԿԸՀ-ը չեղարկել է Մեջլիսի ընտրությունների արդյունքները 5 ընտրատեղամասերում
Քաղաքականություն
11.09.2024 | 22:12
Ադրբեջանի Կենտրոնական ընտրական հանձնաժողովը չեղարկել է 22-րդ ընտրատարածքի երեք ընտրատեղամասերում սեպտեմբերի 1-ի արտահերթ խորհրդարանական ընտրությունների արդյունքները՝ հայտնաբերված խախտումների պատճառով։ Սակայն այս որոշումը չի ազդել ընտրությունների արդյունքների վրա ամբողջ շրջանում, որտեղ կա 36 ընտրատեղամաս, գրում են ադրբեջանական լրատվամիջոցները։
Երեք ընտրատեղամասերում արդյունքների չեղարկումից հետո Դեմոկրատական բարեփոխումների կուսակցության ղեկավար, նախորդ գումարման պատգամավոր Ասիմ Մոլլազադեն շարունակում է առաջատար մնալ։ Իսկ խախտումների վերաբերյալ բողոքներ է ներկայացրել REAL կուսակցության ղեկավար Իլգար Մամեդովը։
Անվավեր են ճանաչվել նաև Լենքորանի 78-րդ գյուղական շրջանի երկու ընտրատեղամասերում ընտրությունների արդյունքները։ Բողոքը ներկայացրել է պատգամավորության թեկնածու Ազիզխան Ազիզովը։ Այս դեպքում նույնպես արդյունքների չեղարկումը չի ազդել ընտրությունների ընդհանուր արդյունքների վրա այն շրջանում, որտեղ առաջատարն է իշխող կուսակցության ներկայացուցիչ Անար Իսկենդերովը։
Երկրկ ԿԸՀ ղեկավար Մազահիր Փանահովը հայտնել է, որ խախտումների վերաբերյալ ստացվել է, ընդհանուր առմամբ, 12 բողոք։
Հիշեցնենք, որ անկախ դիտորդներն ու ընդդիմադիր կուսակցությունները հայտնել էին զանգվածային ընտրախախտումների մասին, որոնց տեսանյութերը տարածվել են նաև համացանցում։ Գրանցվել են քվեաթերթիկների լցոնումների, կարուսելային քվեարկության, ընդդիմադիր թեկնածուների, դիտորդների և լրագրողների վրա հարձակումների դեպքեր։
Ընտրախախտումներն արձագանագրել էին նաև ԵԱՀԿ դիտորդները։ Ընտրությունների վերաբերյալ ԵԱՀԿ մտագոհությունները կիսող հայտարարություններով են հանդես եկել ԱՄՆ-ն ու ԵՄ-ն։
Էմմա Չոբանյան
