27.05.2026 | 13:27
13 կգ մարիխուանա և «a-PVP» տեսակի թմրամիջոց․ մեղադրյալը կալանավորվել է
Թուրքիայի առաջին ԱԷԿ-ի շինարարությունը ձգձգվում է, քանի որ գերմանական Siemens-ը «Ռոսատոմ»-ին անհրաժեշտ մասեր չի մատակարարում
Քաղաքականություն
11.09.2024 | 23:29
Թուրքիայի առաջին ատոմակայանի շինարարությունը ձգձգվում է, քանի որ գերմանական Siemens Energy ENR1n.DE-ն այն կառուցելու համար անհրաժեշտ հիմնական մասերը չի մատակարարում ռուսական «Ռոսատոմ»-ին, վերջինն էլ այլընտրանքներ է փնտրում Չինաստանում։ Այս մասին հայտարարել է Թուրքիայի էներգետիկայի նախարարը։ Այս մասին գրում է Reuters-ը, որին վկայակոչում է Duvar-ը։
Թեև ռուսական ընկերությունն այլընտրանքային պայմանագրեր է կնքել չինական ընկերությունների հետ՝ համարժեք մասեր արտադրելու համար, Siemens Energy-ի կողմից մասերի մատակարարումից հրաժարվելը կհետաձգի առաջին ռեակտորի գործարկումը մի քանի ամսով, հայտարարել է Ալփարսլան Բայրաքթարը:
Ռուսաստանի պետական «Ռոսատոմ» ընկերությունն Անկարայի հետ համաձայնագրով կառուցում է «Աքքույու» ատոմակայանը Թուրքիայի Մերսին նահանգում։ Անկարան ի սկզբանե ծրագրել էր առաջին ռեակտորը գործարկել 2023 թվականին, սակայն այս ժամկետը հետաձգվել է։ Անցյալ տարի միջուկային վառելիքն առաջին անգամ բեռնվել էր առաջին էներգաբլոկում:
Հուլիսին նախագահ Ռեջեփ Թայիփ Էրդողանը հայտարարել էր, որ Գերմանիան թույլ չի տալիս «Աքքույու»-ի համար անհրաժեշտ որոշ բաղադրամասերի արտահանումը՝ ստիպելով դրանց սպասել մաքսատանը։
«Սա մեզ լրջորեն անհանգստացրել է։ Ես դա հիշեցրի Գերմանիայի կանցլեր Օլաֆ Շոլցին մեր երկկողմ հանդիպման ժամանակ»,- ասել էր Էրդողանը լրագրողներին Վաշինգտոնում անցկացված ՆԱՏՕ-ի գագաթնաժողովից վերադառնալիս։
