07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
Նոյաբրսկում ձերբակալել են Մի-8 ուղղաթիռը հրկիզելու մեջ կասկածվող երկու դպրոցականների
Քաղաքականություն
11.09.2024 | 22:37
ՌԴ Նոյաբրսկ քաղաքում (Յամալ-Նենեցյան ինքնավար շրջան) երկու դպրոցականներ են ձերբակալվել, որոնք տեղի օդանավակայանում այրել են Utair RA-24519 Մի-8 ուղղաթիռը։ Այս մասին հայտնում են Baza և «Ավիատորշինա» տելեգրամ-ալիքները։
Ըստ նրանց՝ ձերբակալվածները 13 և 14 տարեկան են։ Նրանք օդանավակայան են մտել ցանկապատի անցքից։ Նշվում է, որ օդանավակայանում դպրոցականներն ուղղաթիռի վրա դյուրավառ խառնուրդ են լցրել ու փորձել են այրել այն։ Նրանցից մեկը, ըստ ոստիկանության, ծխախոտի մնացորդ է նետել Մոլոտովի կոկտեյլի մեջ, որից հետո պայթյուն է տեղի ունեցել։
Դեռահասները կարողացել են փախչել օդանավակայանից, սակայն ստացած այրվածքների պատճառով նրանց գտել են բժիշկների հետ կապ հաստատելուց հետո։
Անվտանգության ուժերը պնդում են, որ դպրոցականներն ասել են, թե ուղղաթիռը այրելու հրամանը ստացել են սոցիալական ցանցերում, ինչի համար, իբր, իրենց խոստացել են 5 միլիոն ռուբլի։ Ոստիկանության պնդմամբ՝ հարցաքննությունների ժամանակ դեռահասները խոստովանել են, որ նախկինում 30 հազար ռուբլի պարգևատրման դիմաց հրկիզել են բջջային ցանցի աշտարակը։ Քրեական գործ է հարուցվել։
