09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Մուրմանսկի նահանգապետը հայտնել է ուկրաինական ԱԹՍ-ների հարձակման մասին․ երկու օդանավակայաններ փակվել են
Քաղաքականություն
11.09.2024 | 15:51
ՌԴ Մուրմանսկի շրջանի նահանգապետ Անդրեյ Չիբիսը հայտնել է, որ «թշնամական անօդաչու թռչող սարքերի գրոհներ» են իրականացվում շրջանի վրա, փոխանցում է Meduza-ն։
«Խնդրում եմ ըմբռնումով մոտենալ այն ժամանակավոր սահմանափակումներին, որոնք մենք ստիպված ենք սահմանել։ Անվտանգության բարելավման համար ձեռնարկվում են բոլոր անհրաժեշտ միջոցները, իսկ հակաօդային պաշտպանությունն աշխատում է թշնամու անօդաչու թռչող սարքերի ոչնչացման ուղղությամբ»,- տելեգրամում գրել է Չիբիսը՝ հարձակումից մարնամասներ չհայտնելով։
Ավելի վաղ Ռոսավիացիան հայտնել էր, որ Մուրմանսկի և Ապատիտի օդանավակայանները ժամանակավորապես դադարել են գործել։ Մուրմանսկի օդանավակայանում սահմանափակումներ են մտցվել Մոսկվայի ժամանակով 09:31-ից, Ապաատիում՝ 10:30-ից:
Baza տելեգրամ-ալիքն էլ գրել էր, որ երեք անօդաչու է հայտնաբերվել Սևերոմորսկի տարածքում, որտեղ գտնվում է Հյուսիսային նավատորմի գլխավոր ռազմածովային բազան։
Նախորդ անօդաչու թռչող սարքի հարձակումը Մուրմանսկի շրջանի վրա տեղի է ունեցել օգոստոսի 21-ին։ Այն ժամանակ ևս անօդաչու թռչող սարքեր են նկատվել Օլենյա օդանավակայանի մոտ, և սա առաջին գրոհն էր, որի ընթացքում ուկրաինական անօդաչու սարքերը կարողացել էին հասնել Արկտիկական շրջանից այն կողմ գտնվող օբյեկտներին։
