19.07.2026 | 19:39
ՌԴ-ի կողմից Կիևին հասված հարվածների հետևանքով վնասվել է նաև Ադրբեջանի դեսպանատան շենքը
Վրաստանի նախագահը հայտարարել է երկրորդ ժամկետի համար առաջադրվելու մտադրության մասին
Քաղաքականություն
11.09.2024 | 13:33
Վրաստանի նախագահ Սալոմե Զուրաբիշվիլին հաստատել է, որ պատրաստ է առաջադրվել երկրորդ նախագահական ժամկետի համար։ Այդ մասին նա հայտարարել է ֆրանսիական Le Figaro պարբերականին տված հարցազրույցում։
«Ես պատրաստ եմ ավելի մեծ պատասխանատվություն ստանձնել և առաջադրվել երկրորդ նախագահական ժամկետի համար՝ Վրաստանը եվրոպական ուղի վերադարձնելու նպատակով։ Եթե Խարտիան ուժի մեջ մտնի, ես պատրաստ եմ լինել բանակցող մեր եվրոպացի գործընկերների հետ»,- հավելել է նա։
Զուրաբիշվիլին կարծում է, որ 2024 թվականի հոկտեմբերի 26-ին կայանալիք խորհրդարանական ընտրություններից հետո երկիրը պետք է համապարփակ բարեփոխումներ անցկացնի։ Դրանից հետո Վրաստանում անհրաժեշտ է արտահերթ ընտրություններ անցկացնել։
Նա գործող իշխանություններին մեղադրել է քաղաքական ուղղությունը եվրաինտեգրումից Ռուսաստանի հետ մերձեցման փոխելու մեջ:
«Այսօրվա վրացական կառավարությունը Մոսկվայի հետ մերձենալու շատ հստակ ընտրություն ունի: Այս կառավարությունը հրաժարվել է իր արևմտամետ դիրքորոշումից՝ հօգուտ Մոսկվայի հետ հարաբերությունների»,- նշել է նա:
