09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Կովկասը վճռական նշանակություն ունի տարածաշրջանային և միջազգային անվտանգության համար․ Վրաստանի, Ադրբեջանի և Թուրքիայի ՊՆ ղեկավարները եռակողմ հուշագիր են ստորագրել
Քաղաքականություն
10.09.2024 | 21:51
Բաթումիում Թուրքիայի, Ադրբեջանի և Վրաստանի պաշտպանության նախարարների 11-րդ եռակողմ հանդիպման արդյունքներով եռակողմ հուշագիր է ստարգրվել։ Թուրքական լրատվամիջոցների փոխանցմամբ՝ ստորագրման արարողությունից հետո կայացած համատեղ ասուլիսում Թուրքիայի պաշտպանության նախարար Յաշար Գյուլերը հանդիպման մասնակիցներին է փոխանցել երկրի նախագահ Ռեջեփ Թայիփ Էրդողանի ողջույնները և շնորհակալություն հայտնել վրաց գործընկեր Իրակլի Չիկովանիին հյուրընկալության համար։
Նշելով, որ Թուրքիան աջակցում է Վրաստանի և Ադրբեջանի տարածքային ամբողջականությանը՝ Գյուլերն ասել է. «Այսօր իմ գործընկերների հետ միասին վերահաստատեցինք մեր հանձնառությունը՝ առավելագույնի հասցնել մեր երկրների միջև համագործակցությունը, որոնք ունեն խորը պատմություն և խորը կապեր բոլոր ոլորտներում։ Հանդիպման ընթացքում մենք ևս մեկ անգամ ընդգծել ենք մեր ամուր աջակցությունն Ադրբեջանի և Վրաստանի անկախությանն ու տարածքային ամբողջականությանը»։
Նա կարևորել է նաև Հարավային Կովկասում խաղաղությունը։
«Ինչպես գիտեք՝ Կովկասը վճռական նշանակություն ունի տարածաշրջանային և միջազգային անվտանգության համար՝ իր պատմական և ռազմավարական դիրքով։ Թուրքիայի, Ադրբեջանի և Վրաստանի միջև սերտ համագործակցությունը ծառայում է մեր երկրների ընդհանուր շահերին ու ակնկալիքներին, ինչպես նաև մեծ ներդրում ունի Կովկասում խաղաղության ու կայունության գործում»,- հայտարարել է Թուրքիայի ՊՆ ղեկավարը։
