16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Եթե ուսումնասիրենք Ադրբեջանի քաղաքականությունը, հստակ կհասկանանք՝ նրանք նոր հակամարտության ճարտարապետություն են կառուցում․ Ռուբինյան
Քաղաքականություն
10.09.2024 | 19:09
Հայաստանը պատրաստ է ունենալ ապաշրջափակված հաղորդակցություններ՝ տարածքային ամբողջականության ու ինքնիշխանության հարգման հիման վրա։ Այս մասին «Երևանյան երկխոսություն» համաժողովում ունեցած ելույթում հայտարարել է ՀՀ ԱԺ փոխնախագահ Ռուբեն Ռուբինյանը։
«Մենք պատրաստ ենք ունենալ ապաշրջափակված հաղորդակցություններ, ճանապարհներ, երկաթուղային ճանապարհներ՝ հիմնված կողմերի, այս դեպքում՝ Հայաստանի և Ադրբեջանի տարածքային ամբողջականության ու ինքնիշխանության հարգման վրա»,- հայտարարել է Ռուբինյանը։
Նա հավելել է՝ չի պատկերացնում, որ որևէ մեկը կարող է վիճարկել այս հիմնական սկզբունքները։
«Վիճարկել հնարավոր է միայն այն դեպքում, երբ այդ մարդը դեմ է խաղաղության ճարտարապետության կառուցմանը, կողմ է հակամարտության ճարտարապետության կառուցմանը։ Ցավոք, եթե ուսումնասիրենք Ադրբեջանի դիրքորոշումները, հստակորեն կտեսնենք, որ դրանք ուղղված են նոր հակամարտության ճարտարապետության կառուցմանը»,- նշել է Ռուբինյանը՝ շեշտելով, որ ՀՀ-ի առաջարկած նախագծերից, ինչպիսին է, օրինակ, «Խաղաղության խաչմերուկը», կարելի է տեսնել Հայաստանի ցանկությունը խաղաղություն հաստատել ոչ միայն մեր երկրում, այլև ամբողջ Հարավային Կովկասում։
Մանրամասները՝ տեսանյութում։
