23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Բաթումիում մեկնարկել է Վրաստանի, Թուրքիայի ու Ադրբեջանի ՊՆ ղեկավարների հանդիպումը
Քաղաքականություն
10.09.2024 | 15:30
Բաթումիում մեկնարկել է Թուրքիայի, Ադրբեջանի և Վրաստանի պաշտպանության նախարարների 11-րդ եռակողմ հանդիպումը, գրում են ադրբեջանական լրատվամիջոցները։
Հանդիպմանը քննարկվելու են երկկողմ և եռակողմ ձևաչափերով համատեղ ռազմական համագործակցության նոր հեռանկարները, ինչպես նաև տարածաշրջանային անվտանգության և փոխադարձ հետաքրքրություն ներկայացնող այլ հարցեր:
Նշենք, որ եռակողմ հանդիպումից առաջ Վրաստանի պաշտպանության նախարար Իրակլի Չիկովանին, Ադրբեջանի ՊՆ ղեկավար Զաքկիր Հասանովն ու Թուրքիայի ՊՆ ղեկավար Յաշար Գյուլերը երկկողմ հանդիպումներ են անցկացրել։
Հասանովն ու Գյուլերը հանդիպմանը, մասնավորապես, նշել են, որ Ադրբեջանն ու Թուրքիան ունեն բարձր մակարդակի համագործակցություն և ռազմավարական դաշինք ռազմական ոլորտում, ինչպես նաև բոլոր ոլորտներում, որոնք հիմնված են բարեկամական և եղբայրական հարաբերությունների վրա։ Նրանք վստահություն են հայտնել, որ փոխադարձ վստահության և աջակցության վրա հիմնված համագործակցությունը կշարունակի հաջող զարգանալ։
Երկկողմ հանդիպման ընթացքում հանգամանալից մտքեր են փոխանակվել համատեղ զորավարժությունների ինտենսիվության բարձրացման, փորձի փոխանակման, տարածաշրջանում և աշխարհում առկա ռազմաքաղաքական գործընթացների, տարածաշրջանում կայուն խաղաղության և կայունության ապահովման ուղիների, ինչպես նաև փոխադարձ հետաքրքրություն ներկայացնող տարբեր հարցերի շուրջ։
