02.06.2026 | 10:33
ՌԴ-ն զանգվածային հարված է հասցրել Ուկրաինային․ զոհվել է 10 մարդ, վիրավորվել՝ 116-ը
Իսրայելը հայտնել է Գազայում ՀԱՄԱՍ-ի բարձրաստիճան պաշտոնյաների հրամանատարական կենտրոնին հարվածների մասին
Քաղաքականություն
10.09.2024 | 15:51
Իսրայելի բանակը հայտարարել է, որ հարվածներ է հասցրել ՀԱՄԱՍ-ի բարձրաստիճան հրամանատարներին, որոնք գործել են Գազայի հարավում գտնվող Խան Յունիս քաղաքի հատուկ հումանիտար տարածքում տեղակայված հրամանատարական կենտրոնում, հաղորդում է France 24-ը։
«Այդ ահաբեկիչներն անմիջական մասնակցություն են ունեցել հոկտեմբերի 7-ի ջարդերի իրականացմանը և վերջին շրջանում ահաբեկչական գործողություններ են իրականացրել»,- ասվում է հաղորդագրության մեջ:
Նշվում է, որ ՀԱՄԱՍ-ի այդ պաշտոյաներն են կազմակերպության ռազմաօդային ուժերի ղեկավար Սամեր Իսմայիլ Խադեր Աբու Դաքկանը, ՀԱՄԱՍ-ի հետախուզության վարչության և թիրախների ղեկավար Օսամա Թաբաշը, կազմակերպության բարձրաստիճան սպա Այման Մաբհուհը։
ՀԱՄԱՍ-ը պնդում է, որ հարձակման հետևանքով զոհվել է 40 մարդ, վիրավորվել՝ 60-ը։
Հաղորդվում է, սակայն, որ Գազայի հատվածում ՀԱՄԱՍ-ի իշխանությունների կողմից հրապարակված զոհերի թվերը «չեն համապատասխանում Իսրայելի պաշտպանության բանակի ունեցած տվյալներին»։
