27.05.2026 | 16:03
Կալուգացի օլիգարխը, Քոչարյանը, էն բելառուսցի մեկը պետք ա բանտ նստեն, ինձ տվեք էդ մանդատը. Փաշինյան․ ՏԵՍԱՆՅՈՒԹ
Իսրայելի պաշտպանության բանակը Գազայի հատվածում կալանել է ՄԱԿ-ի ավտոշարասյունը
Քաղաքականություն
10.09.2024 | 11:28
Իսրայելի պաշտպանության բանակը (IDF) Գազայի հատվածում կալանել է ՄԱԿ-ի ավտոշարասյունը՝ կասկածելով, որ դրանում կարող էին լինել պաղեստինցի կասկածյալներ, փոխանցում է «Կոմերսանտը»։
Ավելի ուշ ավտոշարասյունն ազատ է արձակվել, և մարդասիրական աշխատողները վերադարձել են ՄԱԿ-ի բազա, ասել է Մերձավոր Արևելքում Պաղեստինի փախստականների օգնության գործակալության (UNRWA) ղեկավար Ֆիլիպո Լազարինին։ Իսրայելական բանակն իր գործողությունները բացատրել է հետախուզական տեղեկատվության ստացմամբ, ըստ որի՝ շարասյունով շարժվում են Իսրայելի կողմից հետախուզվող պաղեստինցիները։
Այնուամենայնիվ, Իսրայելի պաշտպանության բանակը պնդում է, որ դա եղել է մեքենաների շարասյուն, որը ներգրավված է ՄԱԿ-ի անձնակազմի ռոտացիայի մեջ, և ոչ թե պոլիոմիելիտի պատվաստանյութեր տեղափոխող շարասյուն: Միաժամանակ UNRWA-ի ղեկավարը հայտնել է, որ ՄԱԿ-ի աշխատակիցները Գազայի հատված են գնացել հենց բնակիչներին պատվաստելու համար։
«Ողջ անձնակազմն ու ավտոշարասյունն այժմ ազատ են արձակվել և ապահով վերադարձվել են ՄԱԿ-ի բազա: Մենք չենք կարող հաստատել, թե արդյոք վաղը Գազայի հյուսիսային հատվածում պոլիոմելիտի դեմ պատվաստումները տեղի կունենան»,- գրել է Ֆիլիպե Լազարինին X սոցիալական ցանցում։
