14.11.2024 | 21:31
Գրետա Թունբերգն այցելել է Հայոց ցեղասպանության հուշահամալիր
«Կոնգրես-ՀԺԿ»-ի՝ ՍԴ ներկայացված ընտրությունների արդյունքներն անվավեր ճանաչելու մասին դիմումը զուրկ էր իրավական հիմքից. Տիգրան Մուկուչյան
Հասարակություն
01.05.2017 | 16:55
ՍԴ որոշումը՝ մերժել ապրիլի 2-ի ընտրությունները անվավեր ճանաչելու «Կոնգրես-ՀԺԿ»-ի դիմում-պահանջը, բոլորի համար էլ սպասելի էր. «Ազատության» հետ զրույցում ասել է ԿԸՀ նախագահ Տիգրան Մուկուչյանը:
«Թերևս բոլորի համար էր հավանաբար սպասելի այս որոշումը: ՀՀ պատմության մեջ առաջին անգամ ՍԴ ներկայացվել էր դիմում, որը չուներ փաստական հիմք, զուրկ էր իրավական հիմքից: Նման դեպք երբևէ չէր եղել»,- ասել է Տիգրան Մուկուչյանը:
ԿԸՀ նախագահի խոսքով՝ դիմող կողմի բացատրությունները, որ ապրիլի 2-ի ընտրությունները պետք է անվավեր ճանաչել, մերկապարանոց էին:
ԿԸՀ նախագահը նշել է, սակայն, որ ընտրական գործընթացում իդեալական վիճակ պատկերացնելն անհնար է, որովհետև քվեարկության օրը իրավահարաբերության մեջ են մտնում հազարավոր մարդիկ, որոնք ոչ բոլորն են պատշաճ կատարում իրավանորմերը:
