22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
ԵՄ-ն նախատեսում է Պրիգոժինի մորը հանել պատժամիջոցների ցուցակից
Քաղաքականություն
09.09.2024 | 17:24
ԵՄ-ն շաբաթվա վերջին նախատեսում է պատժամիջոցների ցուցակից հանել ռուս ավտոարշավորդ Նիկիտա Մազեպինին և Վիոլետա Պրիգոժինային՝ «Վագներ» մասնավոր ռազմական ընկերության մահացած հիմնադիր Եվգենի Պրիգոժինի մորը։ Այս մասին Current time-ին հայտնել են ԵՄ մի քանի դիվանագետներ։
Ուկրաինա Ռուսաստանի լայնամասշտաբ ներխուժումից հետո ԵՄ-ն պատժամիջոցներ է սահմանել 2300 ֆիզիկական և իրավաբանական անձանց նկատմամբ: Պատժամիջոցները երկարաձգվում են յուրաքանչյուր վեց ամիսը մեկ, որի օգտին պետք է քվեարկեն միության անդամ բոլոր 27 երկրները։
Սեպտեմբերի 15-ին ԵՄ-ն կրկին պետք է երկարաձգի պատժամիջոցները։ Ինչպես նախկինում՝ Հունգարիան պահանջել է մի քանի հոգու հանել պատժամիջոցների ցուցակից, որպեսզի հավանություն տա դրանց երկարաձգմանը։
Լատվիան, Լիտվան, Էստոնիան և Լեհաստանն իրենց հերթին պահանջել են պատժամիջոցները երկարացնել ամեն տարի՝ վեց ամիսը մեկ քվեարկության փոխարեն։ Հունգարիան դեմ է հանդես եկել։
Եվրոպացի դիվանագետները պատմել են, որ, ի վերջո, ԵՄ անդամ երկրները հասել են փոխզիջման, ըստ որի՝ ցուցակից կհանվեն երկու անձինք՝ Նիկիտա Մազեպինը և Վիոլետա Պրիգոժինան։ ԵՄ իրավաբանական ծառայությունը, որը վերահսկում է պատժամիջոցների քաղաքականության դատական ասպեկտները, թույլ է համարում Մազեպինի և Պրիգոժինայի վերաբերյալ գործերը։
Նիկիտա Մազեպինը ռուս օլիգարխ Դմիտրի Մազեպինի որդին է։ Նա 2024 թվականի սկզբին շահել է ԵՄ դատարանում գործը, որը որոշել է չեղարկել նրա դեմ պատժամիջոցները։ Սակայն նա մնացել է պատժամիջոցների ցուցակում։ ԵՄ-ում կարծում են, որ դատարանի որոշումը կապված է ավելի վաղ ընդունված որոշումների հետ, և այդ ժամանակից Բրյուսելը ցուցակները թարմացրել է նոր չափանիշներով։
Գարնանը ԵՄ-ն պատժամիջոցների ցուցակից հանել էր Yandex-ի համահիմնադիր Արկադի Վոլոժին, «Սիստեմայի» նախկին փոխնախագահ Սերգեյ Մնդոյանցին և Սլովակիայի քաղաքացի Յուզեֆ Համբալեկին՝ Եվրոպայում ռուս ազգայնական «Գիշերային գայլեր» մոտոակումբի ղեկավարին։
