Քաղաքականություն
09.09.2024 | 14:20
Թուրքիայի նախագահականի հաղորդակցության տնօրինության ապատեղեկատվության դեմ պայքարի կենտրոնը արձագանքել է Ադրբեջանի ռազմական կցորդի կողմից երկրի նախագահ Ռեջեփ Թայիփ Էրդողանին պատվիր չառնելու մասին սոցցանցերում տարածվող լուրերին։
«Պնդումը, թե Թուրքիայի Զինված ուժերի անձնակազմը չի ողջունում նախագահ Ռեջեփ Թայիփ Էրդողանին՝ կապված սոցիալական ցանցերի որոշ էջերում տեղադրված նկարների հետ, չի համապատասխանում իրականությանը։ Լուսանկարում պատկերված զինվորականը որպես հյուր արարողությանը հրավիրված Ադրբեջանի ռազմական կցորդն է, ադրբեջանական ցամաքային զորքերի զինծառայող։ Մի՛ հավատացեք անհիմն պնդումներին, որոնք ուղղված են հասարակական կարծիքը շահարկելուն»,-ասվում է կենտրոնի X-ի գրառման մեջ։
Ավելի վաղ սոցցանցերում լուսանկարներ էին տարածվել Էրդողանի մասնակցությամբ միջոցառումից, որտեղ զինվորականներից մեկը պատվի չի առնում Էրդողանին, որն էլ, պարզվել է, Անկարայում Ադրբեջանի ռազմական կցորդն է։
