11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Կիևն ԱԹՍ-ների հարձակման է ենթարկվել․ Ուկրաինայի ԶՈւ-ն հայտնել է խոցված 6 ԱԹՍ-ի ու 2 հրթիռի մասին
Քաղաքականություն
09.09.2024 | 12:18
Սեպտեմբերի 9-ի գիշերը ռուսական զորքերը հարձակվել են Կիևի վրա՝ օգտագործելով «Շահեդ» տիպի գրոհային անօդաչու սարքեր։ Կիևի քաղաքային ռազմական վարչությունից հայտնել են, որ սեպտեմբերի սկզբից սա արդեն հինգերորդ օդային հարձակումն է Ուկրաինայի մայրաքաղաքի վրա։
Կուրսկի մարզից արձակված ԱԹՍ-ները գրոհել են քաղաքը մի քանի ալիքով։ Կիևում օդային տագնապը շարունակվել է մեկ ժամից ավելի, պատմել է վարչակազմի ղեկավար Սերգեյ Պոպկոն։ Նրա խոսքով՝ ռուսական բոլոր անօդաչու թռչող սարքերը ոչնչացվել են ՀՕՊ համակարգերի կողմից Կիևի մոտակայքում։ Զոհերի և ավերածությունների մասին տեղեկություններ չկան։
Ուկրաինայի ԶՈՒ ռազմաօդային ուժերի հրամանատարությունը հայտնել է, որ սեպտեմբերի 9-ի գիշերը ռուս զինվորականներն արձակել են կառավարվող Х -59/69 ինքնաթիռի երեք հրթիռ և ութ «Շահեդ» տիպի հարվածային անօդաչու թռչող սարք։
ՀՕՊ համակարգերը խոցել են երկու հրթիռ ու 6 ԱԹՍ։ Եվս 2 անօդաչուներ, ըստ ուկրաինացի զինվորականների, «լոկացիոն առումով կորել են» Ուկրաինայի տարածքում, ամենայն հավանականությամբ, դրանք ընկել է ռադիոէլեկտրոնային պայքարի միջոցների ազդեցության տակ։
«Ակտիվ հակազդեցության արդյունքում Х -59/69 հրթիռներից մեկն էլ չի հասել իր թիրախին»,- հավելել են զինվորականները։
ՀՕՊ-ը գործել է Կիևի, Չերկասի, Սումիի և Դնեպրոպետրովսկի մարզերում։
