23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Ուկրաինայի ԱԳ նախարարը հետ է կանչել Վրաստանում Կիևի գործերի ժամանակավոր հավատարմատարին
Քաղաքականություն
09.09.2024 | 11:51
Ուկրաինայի նորանշանակ ԱԳ նախարար Անդրեյ Սիբիգան որոշել է հետ կանչել Վրաստանում Կիևի գործերի ժամանակավոր հավատարմատար Միխայիլ Խարիշինին, ինչպես նաև միջնորդություն է ներկայացրել փոխնախարար Իրինա Բորովեցին աշխատանքից ազատելու մասին։ Այս մասին Սիբիգան գրել է ֆեյսբուքի իր էջում Ուկրաինայի դեսպանների և գլխավոր հյուպատոսների հետ հանդիպումից հետո՝ նշելով, որ որոշել է դադարեցնել գործերի ժամանակավոր հավատարմատարի երկարաժամկետ գործուղումը Վրաստանում՝ նրա՝ «պատերազմող պետության դիվանագիտության իրողությունների ըմբռնման լիակատար բացակայության պատճառով», փոխանցում է DW-ի ռուսական ծառայությունը։
«Украинская правда»-ն հայտնել էր, որ օգոստոսին Միխայիլ Խարիշինը հայտարարել է, որ Ուկրաինան ժամանակին ստացել է Թբիլիսիի հավանությունը Վրաստանում նոր դեսպան նշանակելու համար, սակայն դրան խանգարել է վրացական իշխանությունների անհասկանալի հռետորաբանությունը։
Սիբիգան նաև հայտնել է, որ զեկուցել է իրեն վստահված նախարարությունում առաջին կադրային որոշումների մասին։
«Լինելու է նախարարության նոր կառուցվածք, դեսպանատների վերանայված գրաֆիկներ։ Մեզ պետք են երիտասարդներ, որ միանան մեզ։ Դրա համար կստեղծվեն բոլոր պայմանները, նախատեսված է հանդիպում ոլորտի առաջատար բուհերի ղեկավարների հետ»,- գրել է նա։
