09.09.2026 | 12:16
«Արգելում եմ իմ հոր անունը տալ», «Արցախցիների տեղահանման ժամանակ Դուբայում հանգստանում էիք»․ ՏԵՍԱՆՅՈւԹ
Ալիևի օգնականն ու ԱՄՆ ռազմական հետախուզության պաշտոնյան քննարկել են անվտանգության ոլորտում համագործակցությունը
Քաղաքականություն
09.09.2024 | 10:50
ԱՄՆ Պաշտպանության նախարարության հետախուզական գործակալության Եվրոպա-եվրասիական տարածաշրջանային կենտրոնի ղեկավարը Բաքու այցի ընթացքում հանդիպել է Ադրբեջանի նախագահի օգնական Հիքմեթ Հաջիևին։ Այս մասին հայտնում է Բաքվում ԱՄՆ-ի դեսպանատունը։
«Սեպտեմբերի 6-7-ը Բաքու կատարած այցի ընթացքում Պաշտպանական հետախուզական գործակալության Եվրոպա-եվրասիան տարածաշրջանային կենտրոնի ղեկավար պարոն Պատրիկ Պրիորին հանդիպել է Ադրբեջանի նախագահի օգնական Հիքմեթ Հաջիևին՝ քննարկելու ԱՄՆ-Ադրբեջան երկկողմ և անվտանգության ոլորտում համագործակցությունը»,-ասվում է դեսպանատան X-ի միկրոբլոգում գրառման մեջ։
Պաշտոնական Բաքուն ամերիկացի պաշտոնյայի Ադրբեջան այցի ու հանդիպման մասին տեղեկություններ չի հաղորդում։ ԱՄՆ դեսպանատունը ավելի վաղ հայտնել էր, որ Պրիորին այցելել է Բաքու՝ խորհրդակցելու Ադրբեջանի կառավարության հետ ԱՄՆ-Ադրբեջան անվտանգության հարաբերությունների ամրապնդման ուղիների շուրջ։
