15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Իսրայելն ավիահարվածներ է հասցրել Սիրիային. կան զոհեր
Քաղաքականություն
09.09.2024 | 10:35
Իսրայելը ավիահարվածներ է հասցրել Սիրիային։ Բժիշկներն սիրիական SANA գործակալությանը հայտնել են, որ 5 խաղաղ բնակիչ է զոհվել, 19-ը վիրավորվել է Համա նահանգում թիրախների վրա ավիահարվածների հետևանքով։ Սիրիայի պաշտպանության նախարարության տվյալներով՝ Իսրայելը հարձակումն իրականացրել է Լիբանանի օդային տարածքից։
Հարձակման է ենթարկվել երկրի կենտրոնական հատվածը։ Սիրիայի պաշտպանության նախարարությունը Facebook-ում հայտնել է, որ հակաօդային պաշտպանության համակարգերը հրթիռների մի մասը խոցել են թիրախներին մոտենալիս։ Իսրայելը չի մեկնաբանել հարվածը։
Իսրայելը վերջին ամիսներին բազմիցս հարվածներ է հասցրել Սիրիայում: Ապրիլին Դամասկոսում Իրանի հյուպատոսության վրա էր հարձակում տեղի ունեցել, ինչի հետևանքով սպանվել էին Իսլամական հեղափոխության պահապանների կորպուսի բարձրաստիճան անդամներ: Հունիսին հարվածից զոհվել էր 12 մարդ։ Հուլիսին Սիրիայի նախագահի մերձավոր գործարար Բարաա Քաթերջին էր սպանվել հարձակման հետևանքով։
