20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Մշակույթի ոլորտում կա հարկ չվճարելու մշակույթ․ Դավիթ Անանյան․ ՏԵՍԱՆՅՈՒԹ
Տնտեսություն
10.09.2018 | 11:52
Եթե մենք մամուլից ինչ-որ պատկերացումներ ունեինք, թե ինչ է իրենից ներկայացնում սինգապուրյան հրաշքը և հարցնում էինք ինքներս մեզ՝ արդյո՞ք այն հնարավոր է կիրառել Հայաստանում, ապա հիմա, երբ ես եղա այնտեղ, համոզվեցի, որ սինգապուրյան հրաշքը հարկային համակարգում հնարավոր չէ ՀՀ-ում կիրառել։ Այս մասին այսօր պաշտոնավարման 100 օրվա ամփոփոիչ ասուլիսի ժամանակ ասաց ՊԵԿ նախագահ Դավիթ Անանյանը։
«Հարկեր վճարելու պատրաստակամությունը Ազգային անվտանգության մակարդակի վրա է այնտեղ դրված և շատ կարևոր իրադարձություն է և քանի դեռ մենք դրան չենք հասել այդ մակարդակին, այստեղ մեծ անելիքներ ունենք։ Մյուս կողմից ՊԵԿ-ը և Սինգապուրում եկամուտ հավաքագրող մարմինն ունի տրամագծորեն տարբեր գաղափարախոսություն։ Մենք ունենք ոլորտներ, որոնք հարկեր չվճարելու մշակույթ ունեն։ Մշակույթի ոլորտում, օրինակ, կա այդպիսի մշակույթ․ մենք ունենք սիրված երգիչ երգչուհիներ, որոնք տարեկան հայտարարագրեր չեն ներկայացնում»,- ասաց Դավիթ Անանյանը։
Հիշեցնենք, որ Դավիթ Անանյանը ՊԵԿ նախագահի պաշտոնում նշանակվել է 2018 թ․ մայիսի 17-ին։
