27.05.2026 | 16:03
Կալուգացի օլիգարխը, Քոչարյանը, էն բելառուսցի մեկը պետք ա բանտ նստեն, ինձ տվեք էդ մանդատը. Փաշինյան․ ՏԵՍԱՆՅՈՒԹ
Հայաստանը մասնակցում է «Riga Food 2024»-ին ցուցահանդեսին
07.09.2024 | 14:30
Լատվիայի մայրաքաղաք Ռիգայում Էկոնոմիկայի նախարար Գևորգ Պապոյանը մասնակցել է «Riga Food 2024» սննդի, խմիչքների, սննդի վերամշակման տեխնոլոգիաների, փաթեթավորման, նորարարության, ՀոՌեԿա և խանութների սարքավորումների և ծառայությունների 29-րդ միջազգային ցուցահանդեսին․ Պապոյանն այս մասին գրել է «Ֆեյսբուք»-ի իր էջում։
Ցուցահանդեսին Հայաստանի Հանրապետությունը մասնակցում է միասնական հայկական տաղավարով՝ ներկայացնելով 27 հայկական ընկերության արտադրանք (ալկոհոլային խմիչք, ըմպելիք, շոկոլադ, թեյ, պատրաստի սնունդ և այլն)։
«Շրջեցի ցուցահանդեսի տաղավարներով, ծանոթացա ներկայացված արտադրանքին, զրուցեցի մասնակիցների հետ։
Ընդհանուր առմամբ, այս տարի ցուցահանդեսը հյուրընկալում է 12 երկիր՝ ազգային տաղավարով, ինչպես նաև ընկերություններ, առևտրային ցանցերի ներկայացուցիչներ Լատվիայից, Լիտվայից, Սլովակիայից, Վրաստանից, Ուկրաինայից, Բուլղարիայից, Իտալիայից, Մեծ Բրիտանիայից, Իսպանիայից, Լեհաստանից, Ուզբեկստանից, Էստոնիայից, Գերմանիայից, Շվեդիայից, Ֆրանսիայից և այլ երկրներից»,-գրել է Պապոյանը։
Published by Armenpress, original at https://armenpress.am/hy/article/1199271
