25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Երևան-Սևան ավտոճանապարհին՝ «Չայնիի» ոլորանների մոտ, ավտոմեքենան բախվել է ծառին. կա երկու տուժած
10.09.2018 | 10:13
Սեպտեմբերի 9-ին` ժամը 17:58-ին, «911» ծառայությանն ահազանգ է ստացվել, որ Երևան-Սևան ավտոճանապարհին՝ «Չայնիի» ոլորաններ կոչվող տարածքի արագաչափի մոտ, տեղի է ունեցել ՃՏՊ, ավտոմեքենան բախվել է ծառին. կա երկու տուժած (մեկն արգելափակված է). անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Պարզվել է, որ «BMW» մակնիշի ավտոմեքենան (վարորդը՝ Ա. Ո., ծնված 1975 թ.) դուրս է եկել ճանապարհի երթևեկելի հատվածից և բախվել ծառին. վարորդն արգելափակվել է ավտոմեքենայում:
Մինչ փրկարարների՝ կանչի վայր հասնելը, ուղևորները՝ Ա. Հ.-ն (ծնված 1977 թ.) և Մ. Մ.-ն (ծնված 1974 թ.) հոսպիտալացվել են Աբովյանի ԲԿ:
Փրկարարներն Ա. Ո.-ին դուրս են բերել արգելափակումից և մոտեցրել շտապօգնության ավտոմեքենային: Տուժածը հոսպիտալացվել է Աբովյանի ԲԿ: Բժիշկները Ա. Ո.-ի և Ա. Հ.-ի առողջական վիճակը գնահատել են բավարար, իսկ Մ. Մ.-ինը՝ միջին ծանրության:
