13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Բուչայի մասին գրառման համար դատախազը պահանջել է Պավել Մունտյանին հեռակա կարգով դատապարտել 8,5 տարվա ազատազրկման
Քաղաքականություն
06.09.2024 | 21:15
Պետական դատախազը Մոսկվայի Խորոշևսկու դատարանին խնդրել է հեռակա կարգով 8,5 տարվա ազատազրկման դատապարտել ռուսական բանակի մասին «ֆեյքեր» տարածելու մեջ մեղադրվող ծաղրանկարիչ Պավել Մունտյանին (Քրեական օրենսգրքի 207.3-րդ հոդվածի 2-րդ մաս): Այս մասին հայտնում է Mediazona-ն։
Պետական մեղադրողը մեղմացուցիչ հանգամանք է համարել, որ նկարիչը երկու երեխաների հայր է, իսկ գործում ծանրացնող հանգամանքներ չկան։
Մունտյանի դեմ գործը հարուցվել է 2023 թվականի հոկտեմբերի 17-ին՝ սոցիալական ցանցերում 2022 թվականի ապրիլի 3-ի հրապարակման պատճառով։ Ռուսական լրատվամիջոցները գրում էին, որ Մունտյանին մեղադրում են «կեղծ լուրեր» տարածելու մեջ՝ Կիևի շրջանի Բուչա քաղաքում ռուսական բանակի հանցագործությունների մասին գրառման պատճառով։
Ըստ Astra տելեգրամ-ալիքի՝ Մունտյանը գրել էր Բուչայից ստացված «սարսափելի լուսանկարների» և այն մասին, որ քաղաքում տեղի է ունեցել «բնակիչների մահապատիժ»:
