23.06.2026 | 11:06
Խուզարկում են Իշխան Սաղաթելյանի բնակարանը և ավտոմեքենան
Զելենսկին ժամանել է Գերմանիայի «Ռամշտեյն» բազա
Քաղաքականություն
06.09.2024 | 13:48
Ուկրաինայի նախագահ Վլադիմիր Զելենսկին ժամանել է Գերմանիայի «Ռամշտեյն» բազա։ Այս մասին նա հայտնել է Տելեգրամում գրառմամբ, փոխանցում է BBC-ի ռուսական ծառայությունը։
«Ես ժամանել եմ Ռամշտեյն ավիաբազա՝ մասնակցելու Ուկրաինայի պաշտպանության հարցերով կոնտակտային խմբի հանդիպմանը»,- նշել է Զելենսկին։
Նրա խոսքով՝ Ուկրաինան սպասում է իր դաշնակիցների «վճռականությանը» և միջոցներին, որոնք կօգնեն կասեցնել Ռուսաստանի «օդային ահաբեկչությունը»։
«Մեզ անհրաժեշտ են բոլոր զենքերն արդեն հայտարարված աջակցության փաթեթներից, որպեսզի վերջապես հասնենք մարտական բրիգադներին», – ասել է Զելենսկին:
Նա ևս մեկ անգամ կրկնել է հեռահար զենքի խնդրանքը՝ «արդար խաղաղությունն ավելի մոտեցնելու համար»։ Զելենսկին նաև ասել է, որ կմասնակցի կոնտակտային խմբի հանդիպմանը, առանձնազրույց կունենա ԱՄՆ-ի ու Գերմանիայի պաշտպանության նախարարների հետ։
