27.05.2026 | 14:23
Ունենք եվրոպական հարկեր հայկական աշխատավարձերով․ Էդմոն Մարուքյանի քարոզարշավը Թամանյանի արձանի մոտ․ ՏԵՍԱՆՅՈՒԹ
Լվովի մերձակայքում ԱԹՍ-ի հարձակումից հետո հրդեհ է բռնկվել
Քաղաքականություն
06.09.2024 | 12:54
Լվովի մերձակայքում գտնվող Մալեխով գյուղի մոտ կամիկաձե անօդաչու թռչող սարքի հարձակման հետևանքով հրդեհ է բռնկվել, հայտնել են տեղի իշխանությունները, փոխանցում է BBC-ի ռուսական ծառայությունը։
Լվովի քաղաքապետ Անդրեյ Սադովոյը հայտնել է, որ Մալեխովի մոտ պահեստային տարածքներ են այրվում։ Նրա պնդմամբ՝ դրանք բռնկվել են անօդաչու թռչող սարքի բեկորներից։ Ավելի ուշ նա նշել է, որ Մալեխովի մոտ գտնվող արդյունաբերական գոտու պահեստներում բռնկված հրդեհը մարվել է։
Մալեխով գյուղը հյուսիսից հարում է Լվովին, որտեղ կան մեծ պահեստներ և առանձին արդյունաբերական գոտի։
Հունիսի 19-ին երկու անօդաչու թռչող սարք էր հարվածել այս գյուղին։ Այն ժամանակ ևս տեղի իշխանությունները պնդում էին, որ անօդաչուները խոցվել են, իսկ վնասը պատճառվել է բեկորների ընկնելու հետևանքով:
