07.10.2026 | 23:48
Արթուր Դանիելյանը կալանավորվեց
Բրիտանիան Ուկրաինային 650 թեթև բազմաֆունկցիոնալ հրթիռ կմատակարարի
Քաղաքականություն
06.09.2024 | 18:09
Բրիտանական կառավարությունը պատվիրել է և մինչև տարեվերջ կսկսի Ուկրաինային մատակարարել 650 թեթև բազմաֆունկցիոնալ հրթիռների խմբաքանակ՝ 162 միլիոն ֆունտ սթերլինգ (213 միլիոն դոլար) արժողությամբ։ Այս մասին հայտնել է Մեծ Բրիտանիայի Պաշտպանության նախարարությունը, փոխանցում է BBC-ի ռուսական ծառայությունը։
Հաղորդագրության համաձայն՝ պաշտպանության նախարար Ջոն Հելին պաշտոնապես կհայտարարի հրթիռների մասին ուրբաթ՝ «Ռամշտայնի» հերթական հանդիպման ժամանակ։
Հրթիռները կարտադրվեն Բելֆաստում՝ ֆրանսիական Thales ռազմարդյունաբերական կորպորացիայի գործարանում։
Նախարարությունը նշում է, որ Բրիտանիան արդեն հարյուրավոր թեթև բազմաֆունկցիոնալ հրթիռներ է փոխանցել Ուկրաինային։ 13 կգ քաշով և մոտ 6 կիլոմետր հեռահարությամբ այս հրթիռները կարող են արձակվել տարբեր կրիչներից և օգտագործվել օդում, ցամաքում և ծովում անօդաչու թռչող սարքերի ու այլ թիրախների դեմ։
Մինչև այս տարեվերջ կսկսվեն բրիտանական կառավարության 300 մլն ֆունտ արժողությամբ պատվիրած արկերի մատակարարումներն Ուկրաինա։
