07.10.2026 | 23:48
Արթուր Դանիելյանը կալանավորվեց
Ղրղզստանը խստացրել է ՀՀ և մի շարք այլ երկրների քաղաքացիների մուտքի կանոնները
Քաղաքականություն
05.09.2024 | 19:35
Այսօրվանից Ղրղզստանում ուժի մեջ են մտնում օտարերկրացիների և քաղաքացիություն չունեցող անձանց կեցության նոր կանոնները։ Ուժի մեջ է մտել կառավարության 2024 թվականի հուլիսի 31-ի թիվ 437 որոշումը։ Նոր պահանջները վերաբերում են նաև առանց վիզայի ռեժիմ ունեցող երկրների քաղաքացիներին, ինչպիսիք են Հայաստանը, Ռուսաստանը, Ղազախստանը, Տաջիկստանը, Բելառուսը, Վրաստանը, Ադրբեջանը և Մոլդովան, փոխանցում է Կոմերսանտը։
Այժմ ԵՏՄ երկրների քաղաքացիները (Ռուսաստան, Ղազախստան, Հայաստան, Բելառուս) յուրաքանչյուր 180 օրվա ընթացքում կարող են առանց գրանցման մնալ հանրապետությունում մինչև 90 օր։
Տաջիկստանի, Վրաստանի, Ադրբեջանի և Մոլդովայի քաղաքացիների համար այդ ժամկետը 60 օր է՝ 120 օրվա ընթացքում։
Առանց գրանցման մնալու նշված ժամկետները լրանալուց հետո քաղաքացիներից պահանջվում է լքել Ղրղզստանի տարածքը և կարող են կրկին մուտք գործել ոչ շուտ, քան, համապատասխանաբար, 60 կամ 90 օր հետո։
Այս ժամկետներից դուրս երկրում մնալու համար անհրաժեշտ է ստանալ ժամանակավոր կեցության թույլտվություն կամ հանրապետությունում մնալու իրավունք տվող այլ փաստաթուղթ, ներառյալ՝ կեցության թույլտվությունը, քաղաքացիություն չունեցող անձի վկայականը, «Kairylman» կամ «Meken-kart» վկայականը:
