Մենք առաջարկում ենք լուծումներ և մատնացույց ենք անում այն ռեսուրսները, այն ներդրողներին, ովքեր ստանձնել են պատասխանատությունը. Նաիրա Զոհրաբյան

Երևանը մի կենդանի օրգանիզմ է, որի արյունատար ամբողջ համակարգը խախտված է, քանի որ տարբեր իշխանություններ փորձել են ստենդներ տեղադրելով կարճաժամկետ լուծումների գնալ, սակայն այժմ իրավիճակն այնպիսին է, որ պահանջվում են երկարաժամկետ լուծումներ։

Այս մասին այսօր հրավիրված մամուլի ասուլիսի ժամանակ ասաց «Բարգավաճ Հայաստան» կուսակցության քաղաապետի թեկնածու Նաիրա Զոհրաբյանը հրավիրված մամուլի ասուլիսի ժամանակ:

Քաղաքապետի թեկնածուն, խոսելով քաղաքի՝ հրապատ լուծումներ պահանջող խնդիրների մասին, առանձնացրեց աղբահանության հարցը:

«Աղբահանության մասին անիմաստ է խոսելը, քանի որ այն կատաստրոֆա է, ամեն օր տեսնում ենք աղբի բլրաքաղաքներ Երևանում։ Ամենակատաստրոֆիկ խնդիրներից մեկը նաև Երևանի թոքերն են, Երևանն այսօր չունի կանաչ իր բուֆերային գոտիներն, Երևանի կանաչ թոքերն այլևս չկան։ Բոլոր խնդիրների վերաբերյալ մենք առաջարկում ենք լուծումներ և մատնացույց ենք անում այն ռեսուրսները, այն ներդրողներին, ովքեր ստանձնել են պատասխանատություն՝ անելու ներդրումներ այդ խնդիրները լուծելու համար», – ասաց նա:

Ասուլիսին մասնակցի ԲՀԿ-ի համամասնական ցուցակի երկրոդ համարը զբաղեցնող Պետրոս Ղազարյանն էլ նկատեց, որ իրենց նպատակն է խաղաղ, մրցակցային, ազնիվ ընրություններ անցկացնելը, որի ավարտին բոլոր ուժերը կշնորհավորեն հաղթողին:

«Սա նաև կլինի ամենամեծ հարվածը հակահեղափոխությանը: Եթե մենք կարողանանք անցկացնել միջազգային չափանիշների համապատասխան ընտրություններ, դա կլինի հեղափոխության ամենամեծ հաղթանակը», -ասաց Պետրոս Ղազարյանը: