Բելառուսի տարածքում ռուսական խոցված ԱԹՍ-ի բեկորներ են ընկել․ «Բելառուսկի գայուն»․ ՏԵՍԱՆՅՈՒԹ

Սեպտեմբերի 5-ի գիշերը ռուսական զորքերն անօդաչու սարքերով հարձակվել են Ուկրաինայի վրա։ Ամբողջ երկրում օդային տագնապ է հայտարարվել, փոխանցում է Current Time-ը։

Գիշերը Ժիտոմիրում պայթյուններ են լսվել։ Առավոտյան Կիևի քաղաքապետ Վիտալի Կլիչկոն հայտնել է, որ անօդաչու թռչող սարքերի գրոհի պատճառով քաղաքում աշխատում են հակաօդային պաշտպանության ուժերը։ Ուկրաինայի ԶՈՒ ռազմաօդային ուժերը հայտարարել են, որ անօդաչու սարքերը շարժվել են Չեռնիգովի, Կիևի և Սումիի շրջանների ուղղությամբ։ Հարձակման հետևանքների մասին դեռևս չի հաղորդվում։

Պայթյուններ են լսվել նաև Բելառուսի Գոմել քաղաքում։ «Բելառուսկի գայուն»-ը պնդում է, որ Գոմելի շրջանում ռուսական «Շահեդ»-ներ են խոցվել, պայթյունի երկու ձայն է լսվել, բելառուսական ռազմաօդային ուժերի կործանիչները օդ են բարձրացել։

Ըստ Flagstaff-ի՝ անօդաչու թռչող սարքերի բեկորները կարող էին ընկնել Նովոբելիցկի թաղամասում․ այնտեղ երկու փոքր հրդեհներ են բռնկվել, որոնք մարվել են։

Ավելի ուշ «Բելառուսկի գայունը» հայտնել է ևս երկու անօդաչու թռչող սարքերի մասին, որոնք շարժվել են Գոմելի շրջանի Խոյնիկի քաղաքի և Բրագին գյուղի ուղղությամբ։

Ռուսաստանի Պաշտպանության նախարարությունը հայտարարել է Բելգորոդի, Կուրսկի և Բրյանսկի շրջաններում «Օլխա» համազարկային կրակի համակարգի և յոթ անօդաչու թռչող սարքերի ոչնչացման մասին։ Բացի այդ, ենթադրվում է, որ Սև ծովի հյուսիս-արևելյան հատվածում հերթապահող կրակային զինատեսակներից երկու անօդաչու նավ է ոչնչացվել։