19.07.2026 | 19:39
ՌԴ-ի կողմից Կիևին հասված հարվածների հետևանքով վնասվել է նաև Ադրբեջանի դեսպանատան շենքը
Հյուսիսային Կորեայում տասնյակ պաշտոնյաներ մահապատժի են ենթարկվել զանգվածային ջրհեղեղներից հետո
Քաղաքականություն
04.09.2024 | 23:04
Հյուսիսային Կորեայի իշխանություններն օգոստոսի վերջին մահապատժի են ենթարկել շուրջ 30 պաշտոնյայի, իբր, երկրի հյուսիսում հորդառատ անձրևների հետևանքով առաջացած ջրհեղեղից պաշտպանվելու ձախողման համար: Ըստ Կոմերսանտի՝ այս մասին հայտնել է Հարավային Կորեայի կառավարության անանուն աղբյուրը։
Նշվում է, որ մահապատժի ենթարկվածների թվում կան նահանգային կուսակցական կազմակերպությունների քարտուղարների մակարդակով մի քանի պաշտոնյաներ, ըստ էության, նահանգապետեր։
Չագանդո նահանգում հուլիսին խոշոր ջրհեղեղ է տեղի ունեցել։ Արդյունքում նահանգի մի քանի հազար բնակիչներ կարող էին զոհվել, հաղորդում է հարավկորեական TV Chosun-ը։ Տարհանվել է մոտ 15 հազար բնակիչ, վնասվել է 4,1 հազար տուն, ավերվել են ճանապարհներ և երկաթուղային կապեր, 3 հազար հեկտար ցանքատարածություն է ոչնչացվել։
Հեռուստաալիքի տվյալներով՝ ջրի մակարդակի նվազումից հետո Հյուսիսային Կորեայի առաջնորդ Կիմ Չեն Ընն արտակարգ խորհրդակցություն է անցկացրել տուժած շրջաններում հեղեղումների իրավիճակի վերաբերյալ, որը տեղի է ունեցել հատուկ ծառայության գնացքում։ Հյուսիսկորեական լրատվամիջոցները երկրի ղեկավարի այս այցն անվանել են «սուրբ առաջնորդության» և «ժողովրդին ծառայության մեջ ջերմ սիրո և ոգու մեծության դրսևորում»։
