19.07.2026 | 19:39
ՌԴ-ի կողմից Կիևին հասված հարվածների հետևանքով վնասվել է նաև Ադրբեջանի դեսպանատան շենքը
Պուտինը Սերբիայի փոխվարչապետին հրավիրել է քննարկելու գազի մատակարարումները
Քաղաքականություն
04.09.2024 | 22:33
Ռուսաստանի նախագահ Վլադիմիր Պուտինը Վլադիվոստոկում Արևելյան տնտեսական ֆորումի շրջանակում հանդիպել է Սերբիայի փոխվարչապետ Ալեքսանդր Վուլինի հետ։ Կրեմլի կայքում տեղադրված պաշտոնյաների զրույցի սղագրությունից հետևում է, որ Պուտինը հրավիրել է Վուլինին՝ քննարկելու Սերբիա ռուսական գազի հետագա մատակարարումները և երկարաձգելու համապատասխան պայմանագիրը, որն ավարտվում է 2025 թվականի մարտին, գրում է DW-ի ռուսական ծառայությունը։
Բացի այդ, Պուտինը ցանկություն է հայտնել զարգացնել համագործակցությունը Ռուսաստանի և Սերբիայի միջև արդյունաբերության և տրանսպորտի ոլորտում՝ ասելով, որ Մոսկվան Սերբիայի նախագահ Ալեքսանդր Վուչիչին Կազանում BRICS-ի ղեկավարների հանդիպմանը մասնակցության հրավեր է ուղարկել։
Իր հերթին, Ալեքսանդր Վուլինը նշել է, որ Սերբիան «Ռուսաստանի ռազմավարական գործընկերն է», և «չնայած Արևմուտքի ճնշումներին»՝ «երբեք չի դառնա ՆԱՏՕ-ի անդամ և երբեք պատժամիջոցներ չի սահմանի Ռուսաստանի Դաշնության դեմվ։
Սերբիան ԵՄ անդամության թեկնածու երկիր է։ Վուլինի և Պուտինի հանդիպման նախօրեին՝ սեպտեմբերի 3-ին, Եվրամիության ղեկավարությունը հիշեցրել է, որ Ուկրաինայում շարունակվող պատերազմի ֆոնին Մոսկվայի հետ կապերի պահպանումն անհամատեղելի է ԵՄ արժեքների և Եվրամիությանն անդամակցելու գործընթացի հետ։
