09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Կբարելավվեն Հայաստանի և Վրաստանի դիվանագիտական ոլորտի աշխատակիցների ընտանիքների անդամների աշխատանքային հնարավորությունները
Հասարակություն
04.09.2024 | 17:33
ՀՀ հարաբերությունները Վրաստանի հետ վերջին տարիներին գրանցել են էական առաջընթաց` ընդգրկելով երկկողմ օրակարգի բոլոր բնագավառները. նշել է ՀՀ արտաքին գործերի նախարարի տեղակալ Մնացական Սաֆարյանը: Փոխնախարարն ԱԺ արտաքին հարաբերությունների մշտական հանձնաժողովի` սեպտեմբերի 4-ի նիստում քննարկման է ներկայացրել ««Հայաստանի Հանրապետության կառավարության եւ Վրաստանի կառավարության միջեւ դիվանագիտական ներկայացուցչությունների եւ հյուպատոսական հիմնարկների անձնակազմի ընտանիքի անդամների կողմից վարձատրվող գործունեություն իրականացվելու մասին» համաձայնագիրը վավերացնելու մասին» օրենքի նախագիծը:
Համաձայնագրի նպատակն է բարելավել դիվանագիտական ներկայացուցչությունների եւ հյուպատոսական հիմնարկների անձնակազմի ընտանիքների անդամների աշխատանքային հնարավորությունները:
Հարակից զեկույցում Լենա Նազարյանը տեղեկացրել է, որ վարձատրվող աշխատանքի թույլտվություն տալու է տվյալ երկրի ԱԳՆ-ն այն ժամանակահատվածի համար, որի ընթացքում դիվանագիտական ներկայացուցչությունները եւ հյուպատոսական հիմնարկների անձնակազմն ընդունող երկրում լինելու են հավատարմագրված: Նա նշել է նաեւ, որ աշխատանքի ընդունվող անձը ենթարկվելու է աշխատանքի ընդունող պետության ազգային օրենսդրությանը:
Հանձնաժողովը դրական եզրակացություն է տվել քննարկվող փաստաթղթին:
