22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Ուկրաինայի Ռադան ավարտել է նիստը՝ չդիտարկելով ԱԳ նախարար Կուլեբայի հրաժարականը
Քաղաքականություն
04.09.2024 | 17:24
Ուկրաինայի ԱԳ նախարար Դմիտրի Կուլեբան կառավարության մի քանի այլ անդամների հետ հրաժարական է ներկայացրել, սակայն նրանց հրաժարականի հաստատման հարցը պետք է քննարկվեր Գերագույն Ռադայի կողմից։ Խորհրդարանն այսօրվա նիստում քննարկել է նրանց դիմումները, ոչ բոլոր հրաժարականներն է հաստատել, այնուհետև փակել է նիստը՝ առանց Կուլեբայի դիմումը քննարկելու։
BBC-ի փոխանցմամբ՝ Ռադան նախատեսում է Կուլեբայի դիմումը քննարկել վաղը՝ սեպտեմբերի 5-ին։
Հավանության են արժանացել արդարադատության նախարար Դենիս Մալյուսկայի, եվրոպական և եվրատլանտյան ինտեգրման հարցերով փոխվարչապետ Օլգա Ստեֆանիշինայի, ռազմավարական արդյունաբերության նախարար Ալեքսանդր Կամիշինի ու շրջակա միջավայրի և բնական պաշարների նախարար Ռոման Ստրելեցի հրաժարականները, հայտնում են Ռադայի պատգամավորները սոցիալական ցանցերում։
Միևնույն ժամանակ, ժամանակավոր օկուպացված տարածքների վերաինտեգրման նախարար Իրինա Վերեշչուկի և Պետական գույքի հիմնադրամի ղեկավար Վիտալի Կովալի հրաժարականները հաստատելու համար չի հերիքել մեկ կամ մի քանի ձայն։
Ուկրաինայի նախագահ Վլադիմիր Զելենսկին նախօրեին ասել էր, որ կառավարությունում կադրային փոփոխություններ են նախապատրաստվում։ Նրա «Ժողովրդի ծառա» կուսակցության ղեկավարությունը, որը բացարձակ մեծամասնություն ունի Ռադայում, կառավարության հրաժարականները կապել է նախագահի այս հայտարարության հետ։
Իշխող խմբակցության պատգամավորները, սակայն, ոչ միշտ են քվեարկում ղեկավարության ցանկությանը համապատասխան։
