02.07.2026 | 22:19
Վարորդական իրավունքի տեսական քննության դրական արդյունքը կպահպանվի երկու տարի՝ 1 տարվա փոխարեն
Նոր մանրամասներ Վրաստանում հայերի մասնակցությամբ տեղի ունեցած վթարից
09.09.2018 | 12:00
Վրաստանի Դուշեթիի շրջանի Պասանաուրի գյուղի մոտակայքում տեղի ունեցած ՃՏՊ-ի առնչությամբ Վրաստանում Հայաստանի դեսպանությունն իր ֆեյսբուքյան էջում հայտարարություն է տարածել, որում մասնավորապես ասվում է .
«Այսօր՝ ժամը 14:20-ին, Վրաստանի Դուշեթիի շրջանի Պասանաուրի գյուղի մոտակայքում տեղի ունեցած ՃՏՊ-ի արդյունքում «Samara» մակնիշի ավտոմեքենայի վարորդ Ստեփան Կիրակոսյանը (ծնված 1963 թ., ՌԴ քաղաքացի) մահացել է։
Էլֆան Կիրակոսյանի (ծնված 2015թ., ՌԴ քաղաքացի) վիճակը ծայրայեղ ծանր է, գտնվում է Թբիլիսիի հիվանդանոցներից մեկում, կա վիրահատության անհրաժեշտություն։
Սուսաննա Ավետիսյանը (ծնված 1989թ.,ՌԴ քաղաքացի) հղի էր և վթարի ժամանակ կորցրել է երեխային, գտնվում է Թբիլիսիի հիվանդանոցներից մեկում, ամուսինը նրա հետ է։
Դավիթ Կիրակոսյանը (ծնված 1988թ., ՌԴ քաղաքացի) գտնվում է Դուշեթիի հիվանդանոցում, վիճակը կայուն է։ Բարեկամները նրա հետ են»։
Վրաստանի ՆԳՆ ԱԻ դեպարտամենտի օպերատիվ հերթապահը «911» ծառայություն հայտնել էր, որ Վրաստանի Դուշեթի շրջանի Պասանաուրի գյուղի մոտակայքում տեղի է ունեցել ճանապարհատրանսպորտային պատահար, իրար են բախվել Գոռ Խաչատուրյանի վարած «MAN» մակնիշի բեռնատարը և Ստեփան Կիրակոսյանի վարած «Samara» մակնիշի ավտոմեքենան:
