15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Եգիպտոսի նախագահը 12 տարվա ընթացքում առաջին անգամ Թուրքիա է ժամանել
Քաղաքականություն
04.09.2024 | 16:53
Եգիպտոսի նախագահ Աբդել Ֆաթթահ ալ-Սիսին վերջին 12 տարվա ընթացքում առաջին անգամ պաշտոնական այցով Թուրքիա է մեկնել։ Թուրքական լրատվամիջոցների հաղորդմամբ՝ նա ժամանել է Անկարա։
Օդանանավակայանում Սիսիին դիմավորել է Թուրքիայի նախագահ Ռեջեփ Թայիփ Էրդողանը։
Թուրքիայի նախագահականի հաղորդմամբ՝ այցի շրջանակում տեղի կունենա բարձր մակարդակի ռազմավարական համագործակցության խորհրդի առաջին նիստը՝ երկու երկրների ղեկավարների նախագահությամբ։ Նիստում քննարկվելու են թուրք-եգիպտական հարաբերությունների բոլոր ասպեկտները և համատեղ քայլերը, որոնք կարող են ձեռնարկվել առաջիկայում երկկողմ համագործակցության հետագա զարգացման համար:
Բանակցությունների ընթացքում, բացի երկկողմ հարաբերություններից, կողմերը մտքեր կփոխանակեն ընթացիկ տարածաշրջանային և գլոբալ խնդիրների, հատկապես՝ Գազայի հատվածի և Պաղեստինի տարածքների վրա Իսրայելի հարձակումների շուրջ։
Ակնկալվում է նաև տարբեր փաստաթղթերի ստորագրում։
Հիշեցնենք՝ Էրդողանն իր հերթին այս տարվա փետրվարին այցելել էր Եգիպտոս։
