01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Լուկաշենկոն ներում է շնորհել ևս 30 քաղբանտարկյալի. նրանց անունները չեն նշվում
Քաղաքականություն
04.09.2024 | 14:53
Բելառուսի ղեկավար Ալեքսանդր Լուկաշենկոն ներում է շնորհել ևս 30 անձի, որոնք դատապարտվել են «բողոքի բնույթի հանցագործությունների» համար, հայտնում է Բելառուսի վարչակազմին մոտ գտնվող «Պուլ պերվոգո» տելեգրամ-ալիքը։
Ներում ստացածների թվում կա 7 կին և 23 տղամարդ։ Նրանց անունները չեն նշվում։ Ազատ արձակվածների մեծ մասը, ըստ նախագահականի մամուլի ծառայության, անչափահասների ծնողներ են։
Բոլոր ազատ արձակվածները, ըստ «Պուլ պերվոգո»-ի, ներման միջնորդություններ են ներկայացրել, ընդունել են մեղքը, ինչպես նաև «անկեղծորեն զղջացել ու խոստացել են վարել օրինապաշտ ապրելակերպ»։ ՆԳՆ-ն հետևելու է ազատության մեջ նրանց պահվածքին, հայտնում է գերատեսչության մամուլի ծառայությունը։
Համաներմամբ ազատ արձակված քաղբանտարկյալների առաջին խմբի մասին, որը նույնպես բաղկացած է եղել 30 հոգուց, հայտնի դարձավ օգոստոսի 16-ին։ Լուկաշենկոյի աշխատակազմի մամուլի ծառայության հաղորդագրության մեջ նրանց անունները նույնպես չէին հաղորդվում։
