22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Թուրքիան դիմել է ԲՐԻԿՍ-ին լիիրավ անդամակցության համար․ Պուտինի օգնական
Քաղաքականություն
04.09.2024 | 15:23
ԲՐԻԿՍ-ի երկրները քննարկելու են Թուրքիայի դիմումը՝ միությանը լիարժեք մասնակցության մասին։ Այս մասին լրագրողներին հայտնել է ՌԴ նախագահի օգնական Յուրի Ուշակովը, գրում է ՏԱՍՍ-ը։
«Թուրքիան լիիրավ անդամակցության հայտ է ներկայացրել։ Դիտարկելու ենք»,- նշել է նա։
Նախօրեին Ուշակովը հայտարարել էր, որ Թուրքիայի նախագահ Ռեջեփ Թայիփ Էրդողանն ընդունել է Կազանում հոկտեմբերի 22-24-ը կայանալիք ԲՐԻԿՍ-ի գագաթնաժողովին մասնակցելու հրավերը։
Ավելի վաղ Bloomberg գործակալությունը, վկայակոչելով իր աղբյուրներին, հայտնել էր, որ Թուրքիան պաշտոնապես դիմել է՝ միանալու զարգացող տնտեսությունների ԲՐԻԿՍ-ի խմբին, քանի որ ձգտում է մեծացնել իր համաշխարհային ազդեցությունը և նոր կապեր հաստատել ավանդական արևմտյան դաշնակիցներից դուրս:
ԲՐԻԿՍ-ի հիմնադիր երկրներն են Բրազիլիան, Ռուսաստանը, Հնդկաստանը, Չինաստանն ու Հարավային Աֆրիկան։ Ներկայում կազմակերպությունը ներառում է 9 պետություն՝ Բրազիլիա, Ռուսաստան, Հնդկաստան, Չինաստան, Հարավային Աֆրիկա, Եգիպտոս, Իրան, Եթովպիա և Արաբական Միացյալ Էմիրություններ։
