19.07.2026 | 11:32
Ահազանգ է ստացվել, որ Կապան քաղաքի Բաղաբերդ թաղամասում այրվում է տնակ․ ՆԳՆ
Մադուրոն Վենեսուելայում Սուրբ Ծնունդն այս տարի տեղափոխել է հոկտեմբերի 1-ին
Քաղաքականություն
04.09.2024 | 17:42
Վենեսուելայի նախագահ Նիկոլաս Մադուրոն հայտարարել է, որ 2024 թվականին Սուրբ Ծնունդը Վենեսուելայում, դեկտեմբերի 25-ի փոխարեն, կնշվի հոկտեմբերի 1-ին, գրում է Meduza-ն։
«Սեպտեմբերն է, իսկ դուք արդեն զգում եք, որ մոտենում է Սուրբ Ծնունդը: Ուստի, այս տարի, ի նշան հարգանքի և երախտագիտության, ես պատրաստվում եմ հրամանագիր արձակել Սուրբ Ծնունդը հոկտեմբերի 1-ին տեղափոխելու մասին»,- ասել է Մադուրոն ազգային հեռուստատեսությամբ ունեցած ելույթում։
Սուրբ Ծնունդը տեղափոխելու մասին հայտարարությունը հնչել է մի քանի ժամ անց այն բանից հետո, երբ դատախազները ընդդիմադիր առաջնորդ Էդմունդո Գոնսալես Ուրրուտիայի ձերբակալության հրաման են տվել։ Վերջինը Մադուրոյի հետ պայքարում էր նախագահի պաշտոնի համար։
Արևմտյան լրատվամիջոցները կարծում են, որ Սուրբ Ծնունդը հետաձգելու որոշումը կայացվել է երկրի բնակիչներին քաղաքական ճգնաժամից շեղելու համար։
