09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
ԱՄՆ Պետդեպը՝ Մոնղոլիայի կողմից Պուտինին չկալանավորելու մասին
Քաղաքականություն
04.09.2024 | 13:33
ԱՄՆ Պետքարտուղարության խոսնակ Մեթյու Միլլերը ճեպազրույցում անդրադարձել է Մոնդոլիայի կողմից ՌԴ նախագահ Վլադիմիր Պուտինին չկալանավորելուն, որի օրդերն ավելի վաղ տվել էր Միջազգային քրեական դատարանը։
«Ինչպես ասել ենք՝ մենք չենք կարծում, որ որևէ երկիր պետք է Պուտինին հարթակ տա՝ Ուկրաինայի դեմ իր ագրեսիվ պատերազմը խթանելու համար։ Մենք ակնկալում ենք, որ Մոնղոլիան հավատարիմ կմնա ՄԱԿ-ի կանոնադրության սկզբունքներին, ներառյալ՝ ինքնիշխանությունը և տարածքային ամբողջականությունը, և կհայտարարի, որ այդ սկզբունքները պետք է պահպանվեն ամբողջ աշխարհում»,- ասել է Միլլերը։
Ամերիկացի պաշտոնյան հավելել է, որ հասկանում են Մոնղոլիայի բարդ աշխարհագրական դիրքը, որը շատ ավելի փոքր երկիր է երկու հարևանների միջև։
«Մենք ցանկանում ենք շարունակել աջակցել Մոնղոլիային, բայց մենք կարծում ենք, որ կարևոր է, որ նրանք պահպանեն իրենց միջազգային պարտավորությունները: Եվ կարևոր է, որ եթե նրանք շփվում են Ռուսաստանի հետ, հստակ ասեն, որ պաշտպանում են Ուկրաինայի տարածքային ամբողջականությունն ու ինքնիշխանությունը»,- հայտարարել է ԱՄՆ Պետքարտուղարության խոսնակը։
Հավելենք, որ չնայած ՄՔԴ-ի Հռոմի կանոնադրության անդամ լինելուն՝ Մոնղոլիան հրաժարվել էր կատարել Պուտինի կալանավորման հրամանը, որն այցով գտնվում էր երկրում։
