09.09.2026 | 18:30
Թմրանյութ կուլ տալով փախե՞լ է, թե՞ խոշտանգվել․ փաստաբանի ահազանգի հետքերով․ ՏԵՍԱՆՅՈւԹ
Փոփոխություններ Ուկրաինայի նախարարների կաբինետում. այսօր Ռադան պետք է պաշտոնից ազատի մի շարք նախարարների
Քաղաքականություն
04.09.2024 | 11:47
Ուկրաինայի Գերագույն Ռադան շուտով լուրջ կադրային ռոտացիաներ կսկսի, որոնք կազդեն կառավարության աշխատակազմի կեսի վրա։ Այսօր սպասվում է ազատումների, իսկ վաղը՝ նշանակումների օր, գրում է ՌԲԿ-Ուկրաինան։
Ըստ պարբերականի՝ այս պահի դրությամբ՝ հրաժարականի դիմում են ներկայացրել ԱԳ նախարար Դմիտրի Կուլեբան, ռազմավարական արդյունաբերության նախարար Ալեքսանդր Կամիշինը, արդարադատության նախարար Դենիս Մալուսկան, բնական պաշարների նախարար Ռուսլան Ստրելեցը, եվրոպական ինտեգրման հարցերով փոխվարչապետ Օլգա Ստեֆանիշինան, վերաինտեգրման հարցերով փոխվարչապետ Իրինա Վերեշչուկը։
ՌԴԲ-Ուկրաինայի տեղեկություններով՝ ռազմավարական արդյունաբերության նախարարի պաշտոնում կնշանակվեն Սերգեյ Բոևը կամ Գերման Սմետանինը, արտաքին գործերի նախարարի պաշտոնում՝ Անդրեյ Սիբիգան, արդարադատության նախարարի պաշտոնում՝ Օլգա Ստեֆանիշինան, բնական պաշարների նախարարի պաշտոնում՝ Սվետլանա Գրինչուկը։
Նշվում է, որ տարածաշրջանային զարգացման նախարարությունը կարող է գլխավորել Ալեքսեյ Կուլեբան։
Հավելենք, որ Ուկրաինայի կառավարությունում փոփոխությունները սկսվել են դեռևս այս տարվա գարնանից, բայց միայն հիմա են իրական չափեր ստանում։ Ռադայի «Ժողովրդի ծառա» խմբակցության ղեկավար Դավիթ Արախամիան երեկ նշել էր, որ Ուկրաինայի Նախարարների կաբինետի ավելի քան 50 տոկոսը փոփոխությունների կենթարկվի։
