19.07.2026 | 19:39
ՌԴ-ի կողմից Կիևին հասված հարվածների հետևանքով վնասվել է նաև Ադրբեջանի դեսպանատան շենքը
Ուկրաինայի ԱԳ նախարարը հրաժարական է տվել
Քաղաքականություն
04.09.2024 | 10:27
Ուկրաինայի արտաքին գործերի նախարար Դմիտրի Կուլեբան հրաժարականի դիմում է ներկայացրել Գերագույն ռադային, որը քննարկվելու է առաջիկա լիագումար նիստերից մեկի ժամանակ։ Այս մասին հայտնում է РБК-Украина-ն՝ հղում անելով Ուկրաինայի խորհրդարանի խոսնակ Ռուսլան Ստեֆանչուկի ֆեյսբուքյան գրառմանը, փոխանցում է BBC-ի ռուսական ծառայությունը։
«Ուկրաինայի Գերագույն Ռադան հրաժարականի դիմում է ստացել Ուկրաինայի արտաքին գործերի նախարար Դմիտրի Իվանովիչ Կուլեբայից»,- նշել է Ստեֆանչուկը։
Ավելի վաղ Կուլեբայի պաշտոնանկության մասին՝ այլ նախարարների և փոխվարչապետի հրաժարականի դիմումների ֆոնին, հայտարարել էր «Украинская правда»-ն՝ վկայակոչելով «նախագահի թիմում» իր աղբյուրներին։
Լրատվամիջոցի զրուցակիցները նշել էին, որ որ Կուլեբայի ամենահավանական իրավահաջորդը նրա առաջին տեղակալ Անդրեյ Սիբիգան է։
