Քաղաքականություն
03.09.2024 | 21:17
«Վրացական երկաթուղի» ընկերության տեղեկացմամբ՝ Թբիլիսիի Դիդուբե-Ավճալա հատվածում երկաթուղային վթարի հետևանքով մահացել են երկաթուղու երկու աշխատակիցներ, որոնք պլանային աշխատանքներ էին իրականացնում, գրում է 1tv.ge-ն։
Ընկերության տվյալներով՝ ժամանակավորապես կանգնեցվել է Բաթումի-Թբիլիսի ուղղությամբ ընթացող գնացքը, որի ուղևորները չեն տուժել։
«Դեպքի առնչությամբ կատարվում է մանրամասն հետաքննություն, դեպքի վայրում կատարվում են քննչական գործողություններ, որից հետո Բաթումի-Թբիլիսի գնացքը կուղարկվի Թբիլիսի։ «Վրացական երկաթուղին» խորը ափսոսանք է հայտնում տեղի ունեցածի կապակցությամբ և ցավակցում «Վրացական երկաթուղու» աշխատակիցներին և զոհվածների ընտանիքներին»,- ասված է Վրաստանի երկաթուղու հայտարարության մեջ։
