15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Ադրբեջանի ԱԳՆ-ն արձագանքել է Մեջլիսի ընտրությունների վերաբերյալ ԵՄ քննադատությանը
Քաղաքականություն
03.09.2024 | 20:19
Ադրբեջանի ԱԳՆ խոսնակ Այխան Հաջիզադեն արձագանքել է ԵՄ արտաքին հարաբերությունների ծառայության խոսնակ Պետեր Ստանոյի հայտարարությանը Մեջլիսի արտահերթ ընտրությունների վերաբերյալ։
«Ադրբեջանում անցկացված ընտրությունների վերաբերյալ Պետեր Ստանոյի սուբյեկտիվ և կողմնակալ հայտարարությունները, որոնք կրկնում են ԵԱՀԿ/ԺՀՄԻԳ-ի բացասական եզրակացությունները, անիրավաչափ են։ Ադրբեջանում ընտրություններն անցել են երկրի Սահմանադրությանն ու օրենքներին լիովին համապատասխան։ Մենք կոչ ենք անում ԵՄ պաշտոնյաներին՝ գիտակցել Ադրբեջանի ներքին գործերին անհաջող միջամտության իրենց ընթացքի ապարդյունությունը և կենտրոնանան ԵՄ անդամ որոշ երկրների ներքին խնդիրների վրա»,- գրել է Հաջիզադեն X-ի իր միկրոբլոգում։
Ավելի վաղ Ստանոն X-ում գրառում էր արել Ադրբեջանում անցկացված ընտրությունների վերաբերյալ։
«Ադրբեջանում արտահերթ խորհրդարանական ընտրությունները տեղի են ունեցել սահմանափակող քաղաքական և իրավական միջավայրում՝ զուրկ մրցակցությունից։ ԵԱՀԿ/ԺՄԻԳ-ը ևս նշել է այլախոհ ձայների շարունակական ճնշումը: ԵՄ-ն կոչ է անում Ադրբեջանին իրականացնել ԵԱՀԿ/ԺՀՄԻԳ-ի առաջարկությունները»,- նշել էր Ստանոն՝ հրապարակելով ԵՄ-ի հայտարարությունը։
