16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Բելգորոդի շրջանում ԱԹՍ-ի հարվածից եկեղեցու գմբեթը հրդեհվել է
Քաղաքականություն
03.09.2024 | 13:45
ՌԴ Բելգորոդի մարզի Գրուզսկոյե գյուղի Սուրբ Նիկոլայի եկեղեցին վնասվել է անօդաչու թռչող սարքի հարձակման հետևանքով։ Այս նահանգապետ Վյաչեսլավ Գլադկովը հայտնել է տելեգրամյան ալիքում գրառմամբ, փոխանցում է Meduza-ն։
Ըստ նրա՝ պայթյունի հետևանքով հրդեհվել է եկեղեցու գմբեթը, հրշեջները մարել են կրակը։
Mash տելեգրամ-ալիքը հայտնում է, որ եկեղեցու վրա հարձակվել են երկու անօդաչու թռչող սարքեր, որոնք առավոտյան ժամը 6-ի սահմաններում երկու ինքնաշեն ռումբ են նետել շենքի վրա։ Այդ պահին ներսում եղել է մոտ 10 մարդ։ Նշվում է, որ վանահայրն ուղեղի ցնցում է ստացել։
ԱԻՆ շրջանային վարչությունից եկեղեցում բռնկված հրդեհի վերաբերյալ որևէ մեկնաբանություն չեն տվել։ Վարչությունը հայտնել է միայն Բելգորոդում և Շեբեկինոյում հրթիռային հարվածի սպառնալիքի մասին։
Միաժամանակ, ՌԴ ՊՆ-ն սեպտեմբերի 3-ի գիշերը Բելգորոդի շրջանի վրա անօդաչու թռչող սարքերի հարձակումների մասին չի հայտնել։ Առավոտյան գերատեսչությունը հայտնել է, որ ՀՕՊ ուժերը Բրյանսկի և Կալուգայի շրջաններում խոցել են ուկրաինական երկու անօդաչու թռչող սարք։
Ուկրաինական կողմը նույնպես չի մեկնաբանել եկեղեցու վրա ԱԹՍ-ի հարձակումը։
