Քաղաքականություն
03.09.2024 | 13:25
ԱՄՆ Արդարադատության նախարարությունը հայտարարել է Dassault Falcon 900EX ինքնաթիռի առգրավման մասին, որը պատկանում և օգտագործվում էր Վենեսուելայի նախագահ Նիկոլաս Մադուրոյին և նրա գործընկերներին: Այս մասին հայտնել է գերատեսչության մամուլի ծառայությունը։
Նշվում է, որ ինքնաթիռն առգրավվել է Դոմինիկյան Հանրապետությունում և ԱՄՆ-ի խնդրանքով տեղափոխվել Ֆլորիդայի հարավային շրջան՝ կապված արտահանման վերահսկողության ու պատժամիջոցների մասին ԱՄՆ օրենքների խախտման հետ։
«Արդարադատության նախարարությունն առգրավել է ինքնաթիռ, որը, մեր կարծիքով, անօրինական կերպով գնվել է 13 միլիոն դոլարով (11,7 միլիոն եվրո) և գաղտնի դուրս է բերվել Միացյալ Նահանգներից՝ Նիկոլաս Մադուրոյի և նրա ընկերների օգտագործման համար»,- ասել է ԱՄՆ արդարադատության նախարար, գլխավոր դատախազ Մերիկ Գարլանդը:
