09.09.2026 | 17:23
ԱՄՆ-ն չինական ընկերություններին մեղադրել է ամերիկյան արհեստական բանականության տեխնոլոգիաները պատճենելու մեջ
Թեհրանը դեմ է Կովկասյան տարածաշրջանում միջազգային սահմանների ու ցանկացած ստատուս քվոյի փոփոխությանը․ Իրանի ԱԳՆ ներկայացուցիչը՝ ՌԴ դեսպանին
Քաղաքականություն
03.09.2024 | 12:28
Իրանի ԱԳՆ Եվրասիայի հարցերով գլխավոր տնօրեն Մոջթաբա Դեմիրչիլուն հանդիպել է ՌԴ դեսպանի հետ։ Իրանի ԱԳՆ-ի հաղորդմամբ՝ Թեհրանում ՌԴ դեսպանի հետ հանդիպմանը փոխարտգործնախարարը և Եվրասիական հարցերով գլխավոր տնօրենը նշել են, որ երկրների ազգային ինքնիշխանության, տարածքային ամբողջականության և փոխադարձ շահերի հարգանքը կայուն խաղաղության երաշխավորն է և տարածաշրջանային համագործակցության հիմքը Կովկասում։
Նշվում է, որ հանդիպմանը մտքեր են փոխանակվել Կովկասում ընթացիկ իրադարձություններին մասին, ընդգծվել է Իրանի դիրքորոշումը տարածաշրջանում խաղաղության և կայունության ապահովման ուղղությամբ՝ նպաստելու տարածաշրջանի երկրների միջև համագործակցությանը։
Ըստ հաղորդագրության՝ իրանցի պաշտոնյան վերահաստատել է, որ Իրանը դեմ է միջազգայնորեն ճանաչված սահմանների և տարածաշրջանի աշխարհաքաղաքական փոփոխություններին, ընդգծվել է տարածաշրջանի բոլոր երկրների շահերին և օրինական մտահոգություններին ուշադրություն դարձնելու անհրաժեշտությունը։
Կողմերը քննարկել են նաև 3+3 խորհրդատվական մեխանիզմի շրջանակում առաջիկա հանդիպումը։
