09.09.2026 | 12:23
Ուկրաինական ԱԹՍ-ները գրոհել են Նովոռոսիյսկը․ զոհվել է 4, վիրավորվել՝ 29 մարդ
Թուրքիան հեղուկ գազի մատակարարման պայմանագիր է կնքել Shell ընկերության հետ
Քաղաքականություն
02.09.2024 | 23:15
Թուրքիայի պետական էներգետիկ Botaş ընկերությունը բրիտանական նավթային խոշորագույն Shell ընկերության հետ հեղուկ բնական գազի (LNG) մատակարարման 10-ամյա պայմանագիր է ստորագրել։ Այս մասին հայտնել է Bloomberg-ը, որին վկայակոչում է Turkish Minute-ը։
Անկարայում ստորագրված գործարքը ենթադրում է, որ Shell-ը 2027 թվականից Թուրքիային տարեկան կտրամադրի մոտավորապես 4 միլիարդ խորանարդ մետր LNG, ինչը կազմում է 2023 թվականի Թուրքիայի գազի ընդհանուր պահանջարկի շուրջ 8 տոկոսը։
Ստորագրման արարողության ժամանակ էներգետիկայի նախարար Ալփարսլան Բայրաքթարն ասել է, որ համաձայնագիրը Shell-ին հնարավորություն է ընձեռում վերահասցեավորել մատակարարումները եվրոպական տերմինալներ, ինչը կընդլայնի Botaş-ի՝ LNG փոխադրման և առևտրի հնարավորությունները։ Նա կարևորել է գործարքի ռազմավարական նշանակությունը՝ նշելով, որ այն կամրապնդի թուրքական ընկերության դերը տարածաշրջանային բնական գազի առևտրում։
Այս համաձայնագիրը հաջորդում է ExxonMobil-ի հետ Botaş-ի 10-ամյա գործարքին, որը ստորագրվել էր մայիսին։ Ըստ դրա՝ Թուրքիան ամերիկյան ընկերությունից կստանա տարեկան մինչև 2,5 միլիոն տոննա բնական հեղուկ գազ։
