06.04.2026 | 11:22
Ալիևը պետական այցով Վրաստանում է
Լավրովը՝ Փաշինյանի հայտարարության և հայ-թուրքիական հարաբերությունների կարգավորման նախապայմանների մասին
Քաղաքականություն
02.09.2024 | 16:15
ՌԴ ԱԳՆ ղեկավար Սերգեյ Լավրովը հերթական անգամ հիշել է 2020 թվականի եռակողմ համաձայնագրի տրանսպորտային կապերի ապաշրջափակման մասին կետը, ինչպես նաև անդրադարձել դրան վերաբերող Նիկոլ Փաշինյանի վերջին հայտարարությանը՝ նշելով, թե «Փաշինյանն ամեն ինչ գլխիվայր շուռ է տալիս»։
«Ես զարմանքով կարդացի վարչապետ Փաշինյանի հարցազրույցը, որում ասում է, որ ՀՀ հասցեին մեղադրանքները, թե Երևանն արգելակում է գործընթացը, սուտ է։ Նա ամեն ինչ գլխիվայր շուռ է տալիս։ Տարօրինակ է, քանի որ սկզբում ՀՀ-ն հրաժարվեց ավտոմոբիլային ճանապարհից ու պնդեց միայն երկաթուղային հաղորդակցության վրա։ Ադրբեջանը պատճառ չէր տեսնում, բայց համաձայնեց, այդ թվում՝ մեր միջնորդությամբ։ Հետո ՀՀ-ն հանկարծ ասաց, որ չի լինի ռուս սահմանապահների որևէ մասնակցություն, չնայած դա գրված է սևով սպիտակի վրա, ինչը նույնպես անհասկանալի է»,- հայտարարել է Լավրովը՝ նշելով, թե պայմանավորվելու կարողությունը կամ անկարողոությունը հաճախ վճռորոշ դերակատարություն է ունենում։
Նա անդրադարձել է նաև հայ-թուրքական հարաբերությունների կարգավորմանն ու դրա նախապայմաններին։ Լավրովը նշել է, թե հայ-թուրքական հարաբերությունների կարգավորումը նույնպես ներկայում կանգ է առել, սակայն «Թուրքիայի հետաքրքրվածությունը դեռ կա, ՌԴ-ն նույնպես պատրաստ է դրան»։
«Սակայն հասկանալի է, որ կարգավորումը պետք է ընթանա մնացած բոլոր առկա խնդիրների համատեքստում, որոնք պետք է լուծվեն Հարավային Կովկասում։ Ընդհանուր առմամբ, ԼՂ հակամարտության կարգավորման համատեքստում»,- ասել է ռուսաստանցի պաշտոնյան՝ նշելով, որ խնդիրներից մեկը Ադրբեջանի հիմնական մասի ու Նախիջևանի միջև տրանսպորտային կապերի ապաշրջափակումն է։
