09.09.2026 | 10:58
Գազամատակարարման պլանային դադարեցումներ Արագածոտնի, Շիրակի և Լոռու մարզերում
Լեհաստանը և Ուկրաինային սահմանակից մյուս երկրները պետք է խոցեն ռուսական հրթիռները, նախքան դրանք մտնեն իրենց օդային տարածք․ Սիկորսկի
Քաղաքականություն
02.09.2024 | 17:19
Լեհաստանը և Ուկրաինային սահմանակից մյուս երկրները պետք է խոցեն ռուսական հրթիռները՝ նախքան դրանք մտնեն իրենց օդային տարածք, Financial Times-ին ասել է երկրի արտգործնախարար Ռադոսլավ Սիկորսկին։
«ՆԱՏՕ-ին անդամակցությունը չի ժխտում յուրաքանչյուր երկրի պատասխանատվությունը՝ պաշտպանելու սեփական օդային տարածքը. սա մեր սահմանադրական պատասխանատվությունն է։ Անձամբ ես կարծում եմ, որ եթե թշնամական հրթիռները մոտենում են մեր օդային տարածքին, ապա դրանք կասեցնելու համար ինքնապաշտպանական միջոցների կիրառումն արդարացված կլինի, քանի որ սահմանը հատելուց հետո բեկորներով որևէ մեկին վիրավորելու վտանգը զգալի է դառնում»,- ասել է լեհ նախարարը։
ՆԱՏՕ-ի գլխավոր քարտուղար Յենս Ստոլտենբերգը մերժել է Սիկորսկիի առաջարկը՝ ասելով, որ այդ դեպքում դաշինքը «կդառնա ռազմական հակամարտության մաս»։ Լեհաստանի արտաքին գործերի նախարարը պնդել է իր երկրի իրավունքը՝ որսալու ռուսական հրթիռները այն բանից հետո, երբ ենթադրյալ ռուսական անօդաչու թռչող սարքը հատել է Լեհաստանի սահմանը օգոստոսի 26-ին։
